Jus atná  ahte eiseváldi dahje virgeolmmái lea vearrut gieđahallan  su dahje soamis ieža ášši meannudettiin sáhttá váidalit JO:i.

Gii fal sáhttá dahkat almmuhusa. Ii dárbbat olahan dihto agi, leahkit ruoŧa riikkabeaivuloš dahje orrut Ruoŧas oažžun dihte váidalit. Iige dárbbat persovnnalaččat guoskkahit dan ášši man váidala.

Maid almmuhus galgá sisttisdoallat

Go šadde almmuhusa dat galgá sisttisdoallat:

  • Geasa váidaleapmi čujuha, dm. Mii eiseváldi ja/dahje virgeolmmái gean anilda doaibman vearrut.
  • Oanehis čilgehus áššis dahje dáhpáhusas.
  • Dat doaibma man anilda leahkit vearrut ja ákkastallan manin anilda ahte eiseváldi j/dahje virgeolmmái lea doaibman vearrut.
  • Goas dáhpáhus dáhpáhuvai.
  • Vejolaččat eiseváldi Diárra- dahje áššenummir.
  • Almmuheaddji namma, čujuhus ja vejolaš telefonnummir.
  • Máŋgosat áššebáhpiriin main lea mearkkašupmi čájehan dihte ahte eiseváldi ja/dahje virgeolmmái lea doaibman vearrut.
  • Almmuheaddji vuolláičála

Dehálaš jurddašit

Namatkeahtes almmuhusat eai dábálaččat gieđahallo.

JO ii dábálaččat gieđahala váidalemiid mat gusket áššiid mat leat boarráseappot go guokte jagi

Almmuhus mildosiiguin šaddá almmolaš áššegirjin go áššit bohtet JO:i. Dat mearkkaša ahte geas fal lea njulgodat oaidnit áššebáhpiriid jus dieđut eai galgga dollojuvvot čiegusin almmolašvuođa ja jávohisvuođageatnegasvuođalága jelgii.

Jus JO gieđahallá almmuhusa oažžu dat geasa almmuhus čuohcá diehtit dan nama gii guoddala.

JO ii sáhte rievdadit duomu dahje mearrádusa. Jus lea duhtameahttun dupmui dahje mearrádussii sáhttá dábálaččat váidit alit riektái dihto áigemeari siste  mii almmuhuvvo duomus dahje mearrádusas.

JO ii sáhte geahččaladdat vahátbuhtadusjearaldagaid.

Maŋemusat ođasmahttun 2023-03-28