O rezultati taro e JO: ri kontrola ka dokumentirinelpe ki jekh odluka ja ko jekh protokoli.

Ki odluka ja ko protokoli o JO* ka kerel izjava so ka razjasninel dali e kontroliribaskiri organ uprava sledindža o kanuni ja na. Ako i organ uprava postapindža pogrešno o JO ja del kritika so ka obratinelpe hem e organ upravake hem prema poedinačno službenikonge. Taro sa o prijave skoro 10-13 procentia rezultirinena ki jekh kritikakiri forma.

E JO: ri odluka nae pravno obavezno, so značinela so i kritikuimi organ uprava formalno na valjani te džal pali e pravno zastupnikoskiri kritika. Akava praktikane ovela skoro stalno. Butfar i organ uprava upotrebinela so vakerdža o Pravno zastupniko ko keriba buti te pošukarkjeren o internikane rutine hem pravilia.

Svako berš o JO isto publicirinela jekh upravakoro raporti ko švedikane kote so isi principialnikane interesantno odluke.

O interes bašo e Pravno zastupnikoskiri buti isto tano but baro taro mas- medie. O medie redovno pazinena e JO.re prijave hem e odluke.

—————

* Javno povereniko arakhibaske o kanuni

Zadnjo puti 2023-03-27